Այբուբենի հուշարձան, Դենդրոպարկ, Լոռի բերդ, Հաղպատ (գիշերակաց), Ռաֆթինգ Դեբեդ գետի վրա, Զարնի-Պարնի քարայրաամրոցային համալիր, Երևան
- 2 Days
- Առավելագույն տարողություն:30
- Առանց Կանխավճարի Անհատական Էքսկուրսիան հաստատված համարվել չի կարող: Եթե Պատվերը մեկնարկում է Երևանից, ապա Կանխավճարը կազմում է Պատվերի Գնի 15%-ը, ընդ որում, Պատվերը չեղարկելու կամ չներկայանալու դեպքում Կանխավճարը չի վերադարձվում Պատվիրատուին: Եթե Պատվերը մեկնարկում է Երևանից դուրս գտնվող վայրից, ապա Կանխավճարը կազմում է Պատվերի Գնի 100%-ը, ընդ որում, մեկնարկից 24 ժամ առաջ Պատվերը չեղարկելու դեպքում Պատվիրատուին վերադարձվում է Պատվերի Գնի 85%-ը, իսկ ավելի ուշ չեղարկելու կամ չներկայանալու դեպքում՝ որևէ գումար չի վերադարձվում: Հատուկ դեպքերում Ընկերությունը կարող է պահանջել Կանխավճարի այլ չափ և սահմանել Պատվերը չեղարկելու այլ պայմաններ՝ նախապես դրանք համաձայնեցնելով Պատվիրատուի հետ: Վերջնավճարը Պատվիրատուն պետք է կատարի Ծառայության մեկնարկից ոչ ուշ, եթե այլ պայմանավորվածություն չկա Ընկերության և Պատվիրատուի միջև: Հաստատված Պատվերը հետաձգելու դեպքում որևէ հավելյալ գումար չի գանձվում Պատվիրատուից, եթե այդ մասին Ընկերությունը տեղեկացվել է Պատվերի իրականացումից առնվազն 24 ժամ առաջ, իսկ ավելի ուշ տեղեկացվելու դեպքում՝ գանձվում է Պատվերի Գնի 10%-ի չափով տուգանք։ Հաստատված Պատվերի մեջ ոչ էական (մինչև 10%) կրճատումների դեպքում վերահաշվարկ չի կատարվում, և որևէ գումար չի վերադարձվում Պատվիրատուին, իսկ էական կրճատում (ավելի քան 10%) կատարելու դեպքում Պատվիրատուին է վերադարձվում կրճատված մասի արժեքի 85%-ը, ընդ որում, երբեմն վերադարձվող գումարը կարող է չներառել երրորդ անձանց միջոցով մատուցվող ծառայությունների արժեքը (օրինակ՝ սնունդ, մուտքի տոմսեր, միջոցառումներ, ցուցադրություններ և այլն), եթե դրանք կրճատելու բավարար ժամանակ կամ հնարավորություն չի եղել, և (կամ) պայմանավորված է եղել երրորդ անձանց ծառայությունների մատուցման պայմաններով և կանոններով: Եղանակային անբարենպաստ պայմանների կամ անհաղթահարելի ուժի (force majeure) ի հայտ գալու դեպքում, անվտանգության նկատառումներից ելնելով, Ընկերությունն իրավունք ունի փոխել, կրճատել կամ չեղարկել հաստատված Պատվերը: Ընկերության կողմից Պատվերը չեղարկելու դեպքում Պատվիրատուին վերադարձվում է վճարված գումարը: Եթե վերոհիշյալ հանգամանքների բերումով Ընկերությունն այցելվող վայրերը կամ Պատվերի շրջանակներում մատուցվող ծառայությունները փոխարինել է համարժեք վայրերով կամ ծառայություններով, ապա Ընկերությունը որևէ պարտավորություն չի կրում Պատվիրատուի առջև և որևէ գումար չի վերադարձնում։ Ոչ համարժեք փոխարինման կամ կրճատման դեպքում Ընկերությունը Պատվիրատուին է վերադարձնում հաստատված Պատվերի և փաստացի իրականացված Պատվերի արժեքների տարբերությունը։
Մեծեր
Փոքրեր
Description
2-օրյա հրաշալի էքսկուրսիա՝ ըմբոշխնելու Հայաստանի գեղեցիկ տեսարժան վայրերը: Առաջին օրը կտեսնեք Արագած լեռան արևելյան կողմում՝ Արտաշավան գյուղում գտնվող Տառերի պուրակը՝ հայոց այբուբենի 39 զարդաքանդակ տառերը: Երթուղու հաջորդ կանգառն է Դենդրոպարկը՝ Հարավային Կովկասում միակ օրինակի, որ բնական անտառից վերածել են այգու: Այնուհետև կուղևորվեք Լոռվա մարզի գեղատեսիլ կիրճերի հատման մասում տեղակայված 11-րդ դարի Լոռի բերդ ամրոցը: Գիշերակացը նախատեսվում Հաղպատ գյուղում: Երկրորդ օրը կսկսվի ադրենալինով ու անմոռանալի տպավորություններով լի զբաղմունքով՝ Դեբեդ գետի վրա ռաֆթինգեվ: Ի դեպ, ռաֆթինգը Հայաստանում աստիճանաբար դառնում է էքստրեմալ տուրիզմի ամենահայտնի տեսակներից մեկը: Հետադարձին կայցելեք Զարնի-Պարնի քարայրաամրոցային համալիրը՝ տեղակայված դեպի Կայան բերդ բացվող հիանալի տեսարանով մի անտառային կիրճում:
Տևողություն
2 Days
Group Size
25
Language
ԱՆԳԼԵՐԵՆ , ՌՈՒՍԵՐԵՆ , ՊԱՐՍԿԵՐԵՆ
Առանձնահատկություններ
- Ծանոթացեք հայոց գրերի ստեղծման պատմությանը
- Հրաշալի լուսանկարներ ստացեք հայկական տառերի տեսարանին
- Հիացեք ~500 ուրույն բուսատեսակներով՝ այգում
- Ուսումնասիրեք 11-րդ դարի ճարտարապետությունը
Included
- Փորձառու վարորդներ
- Փորձառու վարորդներ
- Տրանսպորտային միջոցի և ուղևորների ապահովագրություն
- Օդորակիչով մեքենաներ
- Մեկնարկը (ավարտը) Երևանում ցանկացած վայրից
- Լրացուցիչ կանգառներ երթուղում
Excluded
- Զգալի շեղումներ երթուղուց
- Աուդիոգիդեր
- Ալկոհոլային խմիչքներ՝ ճաշով տարբերակն ընտրելու դեպքում
- WiFi տրանսպորտում
Օր 1 ` Հայոց այբուբենի հուշարձան, Ստեփանավանի դենդրոպարկ, Լոռի բերդ, Հաղպատ վանք: Օր 2` Ռաֆթինգ Դեբեդ գետի վրա, Զարնի-Պարնի քարայրաամրոցային համալիր, Երևան
Օր 1 - Հայոց այբուբենի հուշարձան
Հայոց այբուբենի հուշարձանը գտնվում է Արտաշավան գյուղում՝ Արագած լեռան արևելյան լանջին: Այն կառուցվել է 2005թ.-ին հայոց գրերի ստեղծման 1600 ամյակի առթիվ` հայտնի ճարտարապետ Ջիմ Թորոսյանի նախագծով: Հուշարձանն իրենից ներկայացնում է հայոց այբուբենի 39 զարդաքանդակ տառերը: Հայոց գրերը ստեղծվել են 405-406թթ.-ին և մինչ օրս օգտագործվում են հայոց լեզուն գրավոր ներկայացնելու համար: Հայոց այբուբենը մշակվել է լեզվաբան և եկեղեցական առաջնորդ Մեսրոպ Մաշտոցի կողմից՝ Աստվածաշունչը հայերին հասանելի դարձնելու և քրիստոնեությունը տարածելու նպատակով: Մաշտոցյան այբուբենն ի սկզբանե բաղկացած էր 36 տառից, հետագայում՝ Միջին Դարերում, այն ամբողջացվեց:
2. - Ստեփանավանի դենդրոպարկ
Դենդրոպարկի ավելի քան 500 բուսատեսակներից առանձնանում են կալիֆորնիական սեքվոյաները, ինչպես նաև եղևնիների բացառիկ ջերմոցը: Այգում կա գեղեցիկ փայտե կամուրջ, որի վերաբերյալ այցելուներն ունեն ավանդույթ, ըստ որի, առաջին անգամ կամրջով անցնելիս կարելի է երազանք պահել, որն անպայման կիրականանա:
3. - Լոռի բերդ
Լոռի բերդը 11-րդ դարի միջնադարյան ամրոց է, որի պատմության և մշակույթի մասին պատմում են պեղումների ժամանակ հայտնաբերված կենցաղային ու ռազմական իրերը: Չնայած բերդն անխնա կերպով ավերվել է՝ սակայն պահպանվել են նրա մի քանի հատվածներ, որոնցից ուշագրավ են բաղնիքները և մատուռ-դամբարանը: Բնակելի թաղամասում բացված տներում առանձնանում են պատերի որմնանկարները, որոնք ի տարբերություն ժամանակամերձ ուրիշ հուշարձանների, աշխարհիկ բնույթ են կրում:
Լոռի բերդը տեղակայված է գեղատեսիլ կիրճերի հատման մասում և արտաքին աշխարհի հետ կապվում է երկու կամուրջներով, որոնցից մեկի միայն որոշ հատվածն է պահպանվել, իսկ երկրորդն ամբողջությամբ վերականգնվել է:
4. - Հաղպատի վանք
Սանահինից ոչ շատ հեռու գտնվող եկեղեցական այս համալիրն իր որոշակի տեղն ունի հայ ժողովրդի պատմամշակութային կյանքում: Այն կառուցվել է Աշոտ Երրորդ Բագրատունու իշխանության տարիներին: Հաղպատի գրատանը տարիներ շարունակ գրվել ու մանրանկարազարդվել են բազմաթիվ մագաղաթներ: 18-րդ դարում այստեղ էր ապրում և ստեղծագործում հայտնի բանաստեղծ, աշուղ Սայաթ-Նովան: Իր յուրօրինակ ճարտարապետական մտահղացմամբ հիացնում է Հաղպատի զանգակատունը: Տեսարժան վայրն ընդգրկված է ՅՈՒՆԵՍԿՕ-ի Համաշխարհային մշակութային ժառանգության ցանկում:
- Գիշերակաց
Օր 2 - 1. Ռաֆթինգ Դեբեդ գետի վրա
Ռաֆթինգը Հայաստանում աստիճանաբար դառնում է էքստրեմալ տուրիզմի ամենահայտնի տեսակներից մեկը: Թվում է, թե այսպիսի էքստրեմալ սպորտաձևը հասանելի է միայն պրոֆեսիոնալներին, սակայն Դեբեդ գետը բաց է թե սկսնակների, թե նրանց առջև, ովքեր որևէ փորձ չունեն այս բնագավառում: Դեբեդի վրա ռաֆթինգի ընթացքում ադրենալին ու անմոռանալի տպավորություններ ստանալուց բացի կարող եք բացահայտել նաև գետի երկայնքով տեղակայված Հայաստանի պատմամշակութային հուշարձաններ Հաղպատ ու Սանահին վանքերը, որոնք ընդգրկված են ՅՈՒՆԵՍԿՕ-ի Համաշխարհային մշակութային ժառանգության ցանկում:
Ամրագրումները հարկավոր է կատարել նախապես:
2. - Զարնի-Պարնի քարայրաամրոցային համալիր
Զարնի-Պարնին քարայրաամրոցային համալիր է Լոռու մարզում: Այն տեղակայված է դեպի Կայան բերդ բացվող հիանալի տեսարանով մի անտառային կիրճում՝ Հաղպատ գյուղի մոտակայքում: Համալիրը բաղկացած է «Զարնի էր», «Պարնի էր» ամրոցներից, ինչպես նաև «Ծակ էր» քարանձավից: Որոշ պատմական գրառումների համաձայն՝ անվանի գիտնական և փիլիսոփա Հովհաննես Իմաստասերը նախկինում ապրել և կերտել է այս քարանձավում: Այժմ տարածքը վերածվել է պատմական թանգարանի, որտեղ ցուցադրվում են հնագույն հազվագյուտ գյուղատնտեսական գործիքներ և կենցաղային իրեր:
Քարանձավի հարևանությամբ կա պանդոկ և գինետուն, որտեղ կարող եք վայելել տեղական խմիչքները և հայկական խոհանոցի ուտեստները:
Երեկոյան ժամերը կարելի է համեմել խարույկի մոտից բացվող դիտակետով (լրացուցիչ 10 000 AMD վճարի դիմաց):
3. - Երևան
Ամրագրման պայմաններ
Անհատական Էքսկուրսիաների Գները ցուցադրվում են՝ հիմք ընդունելով, որ Էքսկուրսիան սկսվելու է Երևանից և ավարտվելու է Երևանում: Որևէ այլ վայրից Էքսկուրսիան սկսելու կամ այլ վայրում ավարտելու դեպքում հնարավոր է վերահաշվարկ և Գնի փոփոխություն:
Անհատական Էքսկուրսիաների ընթացքում լրացուցիչ կանգառներ կամ վայրեր այցելել կարելի է միայն դրա իրական հնարավորության դեպքում։ Զգալի շեղումների, ինչպես նաև Էքսկուրսիան նախատեսված ժամանակից ավելի երկար տևելու դեպքում՝ Ընկերությունն իրականացնում է վերահաշվարկ, որի արդյունքում հնարավոր է առաջանա լրացուցիչ վճարում կատարելու անհրաժեշտություն:
Անհատական Էքսկուրսիաների յուրաքանչյուր ուղղության միջին տևողությունը նշված է Կայքում և (կամ) Պատվերի հաստատման մեջ, սակայն երբեմն Էքսկուրսիան փաստացի կարող է տևել նշված ժամանակից մինչև 10%-ով ավելի կամ պակաս:
Որոշ երկրների քաղաքացիներ դեպի Վրաստանի Հանրապետություն Էքսկուրսիաների մասնակցելիս պետք է ձեռք բերեն Վրաստանի Հանրապետության վիզա, իսկ որոշ դեպքերում նաև Հայաստանի Հանրապետության վիզա՝ վերադարձի համար։ Ընկերությունը չի տրամադրում վիզաներ ստանալու աջակցություն: Վիզաների տրամադրումը իրականացվում է Վրաստանի Հարապետության և (կամ) Հայաստանի Հանրապետության և Ձեր քաղաքացիության երկրի միջև առկա միջազգային պայմանավորվածությունների հիման վրա։
7-ից ավելի անձանց դեպքում Վրաստանի Հանրապետություն Էքսկուրսիա իրականացնելիս անհրաժեշտ կլինի մեկնողների ցուցակը՝ անձնագրային տվյալներով:
Անհատական Էքսկուրսիաների ընթացքում ցանկալի է կրել հարմարավետ կոշիկներ, գերադասելի է՝ փակ:
Անկախ ուղղությունից՝ ցանկալի է վերցնել տաք հագուստ. տեսարժան վայրերում կլիման կարող է տարբերվել Երևանի կլիմայից:
Եկեղեցիներ այցելելիս կանանց և տղամարդկանց խորհուրդ է տրվում չկրել բաց հագուստ։ Կանանց դեպքում ցանկալի է գլխաշորի առկայությունը:
Անհատական Էքսկուրսիաների ընթացքում, կախված ուղղությունից և տեղանքից, որոշ դեպքերում հնարավոր է տրանսպորտային միջոցը չկարողանա մինչև նպատակակետ հասնել և կարիք լինի որոշ ճանապարհ քայլել և (կամ) աստիճաններ բարձրանալ։ Եթե մասնակիցը քայլելու կամ աստիճաններ հաղթահարելու դժվարություններ ունի, ապա խորհուրդ է տրվում նախօրոք ճշտել այցելվող վայրերում այդպիսի տեղանքների առկայությունը։
Անհատական Էքսկուրսիաների շրջանակներում ընտանի կենդանիներ կարող են բերվել միայն հատուկ վանդակներով՝ նախօրոք հայտնելով այդ մասին:
Ընկերությունը պատասխանատվություն չի կրում Անհատական Էքսկուրսիաների ընթացքում ինչպես տրանսպորտային միջոցում, այնպես էլ այցելած վայրերում թողնված, կորած, վնասված կամ ոչնչացած Ձեր իրերի համար:
Անհատական Էքսկուրսիաների ընթացքում ուղևորներն ունեն ճանապարհատրանսպորտային պատահարներից ապահովագրություն, որը փոխհատուցում է ուղևորի առողջությանը հասցված փաստացի վնասը մինչև 1 500 000 AMD` հիմնավորված ծախսերի փաստաթղթերով:
Average Guest Reviews
Սկսյալ 8145 AMD
Book This Tour
Contact Information
Have a question in mind
Looking for more info? Send a question to the tour agent to find out more.
You might also like
Travel is my life. Since 1999, I have been traveling around the world nonstop. If you also love travel, you are in the right place!